Lévitique 16:5-10

5Suscipietque ab universa multitudine filiorum Israël duos hircos pro peccato, et unum arietem in holocaustum.

6Cumque obtulerit vitulum, et oraverit pro se et pro domo sua,

7duos hircos stare faciet coram Domino in ostio tabernaculi testimonii :

8mittensque super utrumque sortem, unam Domino, alteram capro emissario :

9cujus exierit sors Domino, offeret illum pro peccato :

10cujus autem in caprum emissarium, statuet eum vivum coram Domino, ut fundat preces super eo, et emittat eum in solitudinem.