Psaumes 68:28-35

28Appone iniquitatem super iniquitatem eorum, et non intrent in justitiam tuam.

29Deleantur de libro viventium, et cum justis non scribantur.

30Ego sum pauper et dolens ; salus tua, Deus, suscepit me.

31Laudabo nomen Dei cum cantico, et magnificabo eum in laude :

32et placebit Deo super vitulum novellum, cornua producentem et ungulas.

33Videant pauperes, et lætentur ; quærite Deum, et vivet anima vestra :

34quoniam exaudivit pauperes Dominus, et vinctos suos non despexit.

35Laudent illum cæli et terra ; mare, et omnia reptilia in eis.