Matthieu 26:14-20

14Tunc abiit unus de duodecim, qui dicebatur Judas Iscariotes, ad principes sacerdotum :

15et ait illis : Quid vultis mihi dare, et ego vobis eum tradam ? At illi constituerunt ei triginta argenteos.

16Et exinde quærebat opportunitatem ut eum traderet.

17Prima autem die azymorum accesserunt discipuli ad Jesum, dicentes : Ubi vis paremus tibi comedere Pascha ?

18At Jesus dixit : Ite in civitatem ad quemdam, et dicite ei : Magister dicit : Tempus meum prope est, apud te facio Pascha cum discipulis meis.

19Et fecerunt discipuli sicut constituit illis Jesus, et paraverunt Pascha.

20Vespere autem facto, discumbebat cum duodecim discipulis suis.