Job 16:14-22

14Circumdedit me lanceis suis ; convulneravit lumbos meos : non pepercit, et effudit in terra viscera mea.

15Concidit me vulnere super vulnus : irruit in me quasi gigas.

16Saccum consui super cutem meam, et operui cinere carnem meam.

17Facies mea intumuit a fletu, et palpebræ meæ caligaverunt.

18Hæc passus sum absque iniquitate manus meæ, cum haberem mundas ad Deum preces.

19Terra, ne operias sanguinem meum, neque inveniat in te locum latendi clamor meus :

20ecce enim in cælo testis meus, et conscius meus in excelsis.

21Verbosi amici mei : ad Deum stillat oculus meus :

22atque utinam sic judicaretur vir cum Deo, quomodo judicatur filius hominis cum collega suo.