Jérémie 31:23-26

23Hæc dicit Dominus exercituum, Deus Israël : Adhuc dicent verbum istud in terra Juda et in urbibus ejus, cum convertero captivitatem eorum : Benedicat tibi Dominus, pulchritudo justitiæ, mons sanctus :

24et habitabunt in eo Judas et omnes civitates ejus simul, agricolæ et minantes greges.

25Quia inebriavi animam lassam, et omnem animam esurientem saturavi.

26Ideo quasi de somno suscitatus sum : et vidi, et somnus meus dulcis mihi.