Osée 11:2-7

2Vocaverunt eos, sic abierunt a facie eorum ; Baalim immolabant, et simulacris sacrificabant.

3Et ego quasi nutritius Ephraim : portabam eos in brachiis meis, et nescierunt quod curarem eos.

4In funiculis Adam traham eos, in vinculis caritatis ; et ero eis quasi exaltans jugum super maxillas eorum, et declinavi ad eum ut vesceretur.

5Non revertetur in terram Ægypti, et Assur ipse rex ejus, quoniam noluerunt converti.

6Cœpit gladius in civitatibus ejus, et consumet electos ejus, et comedet capita eorum.

7Et populus meus pendebit ad reditum meum ; jugum autem imponetur eis simul, quod non auferetur.