Exode 40:1-8

1Locutusque est Dominus ad Moysen, dicens :

2Mense primo, prima die mensis, eriges tabernaculum testimonii,

3et pones in eo arcam, dimittesque ante illam velum :

4et illata mensa, pones super eam quæ rite præcepta sunt. Candelabrum stabit cum lucernis suis,

5et altare aureum, in quo adoletur incensum, coram arca testimonii. Tentorium in introitu tabernaculi pones,

6et ante illud altare holocausti :

7labrum inter altare et tabernaculum, quod implebis aqua.

8Circumdabisque atrium tentoriis, et ingressum ejus.