Exode 29:15-18

15Unum quoque arietem sumes, super cujus caput ponent Aaron et filii ejus manus.

16Quem cum mactaveris, tolles de sanguine ejus, et fundes circa altare.

17Ipsum autem arietem secabis in frusta : lotaque intestina ejus ac pedes, pones super concisas carnes, et super caput illius.

18Et offeres totum arietem in incensum super altare : oblatio est Domino, odor suavissimus victimæ Domini.