Exode 15:2-7

2Fortitudo mea, et laus mea Dominus, et factus est mihi in salutem : iste Deus meus, et glorificabo eum : Deus patris mei, et exaltabo eum.

3Dominus quasi vir pugnator, Omnipotens nomen ejus,

4currus Pharaonis et exercitum ejus projecit in mare : electi principes ejus submersi sunt in mari Rubro.

5Abyssi operuerunt eos ; descenderunt in profundum quasi lapis.

6Dextera tua, Domine, magnificata est in fortitudine : dextera tua, Domine, percussit inimicum.

7Et in multitudine gloriæ tuæ deposuisti adversarios tuos : misisti iram tuam, quæ devoravit eos sicut stipulam.