1 Pierre 2:13-17

13Subjecti igitur estote omni humanæ creaturæ propter Deum : sive regi quasi præcellenti :

14sive ducibus tamquam ab eo missis ad vindictam malefactorum, laudem vero bonorum :

15quia sic est voluntas Dei, ut benefacientes obmutescere faciatis imprudentium hominum ignorantiam :

16quasi liberi, et non quasi velamen habentes malitiæ libertatem, sed sicut servi Dei.

17Omnes honorate : fraternitatem diligite : Deum timete : regem honorificate.