1 Rois 8:10-14

10Factum est autem cum exissent sacerdotes de sanctuario, nebula implevit domum Domini,

11et non poterant sacerdotes stare et ministrare propter nebulam : impleverat enim gloria Domini domum Domini.

12Tunc ait Salomon : Dominus dixit ut habitaret in nebula.

13Ædificans ædificavi domum in habitaculum tuum : firmissimum solium tuum in sempiternum.

14Convertitque rex faciem suam, et benedixit omni ecclesiæ Israël : omnis enim ecclesia Israël stabat.