1 Corinthiens 16:1-9

1De collectis autem, quæ fiunt in sanctos, sicut ordinavi ecclesiis Galatiæ, ita et vos facite.

2Per unam sabbati unusquisque vestrum apud se seponat, recondens quod ei bene placuerit : ut non, cum venero, tunc collectæ fiant.

3Cum autem præsens fuero, quos probaveritis per epistolas, hos mittam perferre gratiam vestram in Jerusalem.

4Quod si dignum fuerit ut et ego eam, mecum ibunt.

5Veniam autem ad vos, cum Macedoniam pertransiero : nam Macedoniam pertransibo.

6Apud vos autem forsitan manebo, vel etiam hiemabo : ut vos me deducatis quocumque iero.

7Nolo enim vos modo in transitu videre, spero enim me aliquantulum temporis manere apud vos, si Dominus permiserit.

8Permanebo autem Ephesi usque ad Pentecosten.

9Ostium enim mihi apertum est magnum, et evidens : et adversarii multi.