Romains 2:19-25

19confidis teipsum esse ducem cæcorum, lumen eorum qui in tenebris sunt,

20eruditorem insipientium, magistrum infantium, habentem formam scientiæ, et veritatis in lege.

21Qui ergo alium doces, teipsum non doces : qui prædicas non furandum, furaris :

22qui dicis non mœchandum, mœcharis : qui abominaris idola, sacrilegium facis :

23qui in lege gloriaris, per prævaricationem legis Deum inhonoras.

24(Nomen enim Dei per vos blasphematur inter gentes, sicut scriptum est.)

25Circumcisio quidem prodest, si legem observes : si autem prævaricator legis sis, circumcisio tua præputium facta est.