Apocalypse 22:10-13

10Et dicit mihi : Ne signaveris verba prophetiæ libri hujus : tempus enim prope est.

11Qui nocet, noceat adhuc : et qui in sordibus est, sordescat adhuc : et qui justus est, justificetur adhuc : et sanctus, sanctificetur adhuc.

12Ecce venio cito, et merces mea mecum est, reddere unicuique secundum opera sua.

13Ego sum alpha et omega, primus et novissimus, principium et finis.