Philippiens 4:1-5

1Itaque fratres mei carissimi, et desideratissimi, gaudium meum, et corona mea : sic state in Domino, carissimi.

2Evodiam rogo, et Syntychen deprecor, idipsum sapere in Domino.

3Etiam rogo et te, germane compar, adjuva illas, quæ mecum laboraverunt in Evangelio cum Clemente, et ceteris adjutoribus meis, quorum nomina sunt in libro vitæ.

4Gaudete in Domino semper : iterum dico gaudete.

5Modestia vestra nota sit omnibus hominibus : Dominus prope est.