Matthieu 6:30-34

30Si autem fœnum agri, quod hodie est, et cras in clibanum mittitur, Deus sic vestit, quanto magis vos modicæ fidei ?

31Nolite ergo solliciti esse, dicentes : Quid manducabimus, aut quid bibemus, aut quo operiemur ?

32hæc enim omnia gentes inquirunt. Scit enim Pater vester, quia his omnibus indigetis.

33Quærite ergo primum regnum Dei, et justitiam ejus : et hæc omnia adjicientur vobis.

34Nolite ergo solliciti esse in crastinum. Crastinus enim dies sollicitus erit sibi ipsi : sufficit diei malitia sua.