Matthieu 18:2-6

2Et advocans Jesus parvulum, statuit eum in medio eorum,

3et dixit : Amen dico vobis, nisi conversi fueritis, et efficiamini sicut parvuli, non intrabitis in regnum cælorum.

4Quicumque ergo humiliaverit se sicut parvulus iste, hic est major in regno cælorum.

5Et qui susceperit unum parvulum talem in nomine meo, me suscipit :

6qui autem scandalizaverit unum de pusillis istis, qui in me credunt, expedit ei ut suspendatur mola asinaria in collo ejus, et demergatur in profundum maris.