Luc 5:8-11

8Quod cum videret Simon Petrus, procidit ad genua Jesu, dicens : Exi a me, quia homo peccator sum, Domine.

9Stupor enim circumdederat eum, et omnes qui cum illo erant, in captura piscium, quam ceperant :

10similiter autem Jacobum et Joannem, filios Zebedæi, qui erant socii Simonis. Et ait ad Simonem Jesus : Noli timere : ex hoc jam homines eris capiens.

11Et subductis ad terram navibus, relictis omnibus, secuti sunt eum.