Luc 17:24-27

24nam, sicut fulgur coruscans de sub cælo in ea quæ sub cælo sunt, fulget : ita erit Filius hominis in die sua.

25Primum autem oportet illum multa pati, et reprobari a generatione hac.

26Et sicut factum est in diebus Noë, ita erit et in diebus Filii hominis :

27edebant et bibebant : uxores ducebant et dabantur ad nuptias, usque in diem, qua intravit Noë in arcam : et venit diluvium, et perdidit omnes.