Job 5:1-5

1Voca ergo, si est qui tibi respondeat, et ad aliquem sanctorum convertere.

2Vere stultum interficit iracundia, et parvulum occidit invidia.

3Ego vidi stultum firma radice, et maledixi pulchritudini ejus statim.

4Longe fient filii ejus a salute, et conterentur in porta, et non erit qui eruat.

5Cujus messem famelicus comedet, et ipsum rapiet armatus, et bibent sitientes divitias ejus.