Job 33:18-24

18eruens animam ejus a corruptione, et vitam illius ut non transeat in gladium.

19Increpat quoque per dolorem in lectulo, et omnia ossa ejus marcescere facit.

20Abominabilis ei fit in vita sua panis, et animæ illius cibus ante desiderabilis.

21Tabescet caro ejus, et ossa, quæ tecta fuerant, nudabuntur.

22Appropinquavit corruptioni anima ejus, et vita illius mortiferis.

23Si fuerit pro eo angelus loquens, unus de millibus, ut annuntiet hominis æquitatem,

24miserebitur ejus, et dicet : Libera eum, ut non descendat in corruptionem : inveni in quo ei propitier.