Job 15:12-16

12Quid te elevat cor tuum, et quasi magna cogitans attonitos habes oculos ?

13Quid tumet contra Deum spiritus tuus, ut proferas de ore tuo hujuscemodi sermones ?

14Quid est homo ut immaculatus sit, et ut justus appareat natus de muliere ?

15Ecce inter sanctos ejus nemo immutabilis, et cæli non sunt mundi in conspectu ejus.

16Quanto magis abominabilis et inutilis homo, qui bibit quasi aquam iniquitatem ?