Jérémie 5:21-24

21Audi, popule stulte, qui non habes cor : qui habentes oculos, non videtis ; et aures, et non auditis.

22Me ergo non timebitis, ait Dominus, et a facie mea non dolebitis ? qui posui arenam terminum mari, præceptum sempiternum quod non præteribit : et commovebuntur, et non poterunt ; et intumescent fluctus ejus, et non transibunt illud.

23Populo autem huic factum est cor incredulum et exasperans : recesserunt, et abierunt.

24Et non dixerunt in corde suo : Metuamus Dominum Deum nostrum, qui dat nobis pluviam temporaneam et serotinam in tempore suo, plenitudinem annuæ messis custodientem nobis.