1 Thessaloniciens 2:1-4

1Nam ipsi scitis, fratres, introitum nostrum ad vos, quia non inanis fuit :

2sed ante passi, et contumeliis affecti (sicut scitis) in Philippis, fiduciam habuimus in Deo nostro, loqui ad vos Evangelium Dei in multa sollicitudine.

3Exhortatio enim nostra non de errore, neque de immunditia, neque in dolo,

4sed sicut probati sumus a Deo ut crederetur nobis Evangelium : ita loquimur non quasi hominibus placentes, sed Deo, qui probat corda nostra.