1 Samuel 18:1-4

1Et factum est cum complesset loqui ad Saul, anima Jonathæ conglutinata est animæ David, et dilexit eum Jonathas quasi animam suam.

2Tulitque eum Saul in die illa, et non concessit ei ut reverteretur in domum patris sui.

3Inierunt autem David et Jonathas fœdus : diligebat enim eum quasi animam suam.

4Nam expoliavit se Jonathas tunica qua erat indutus, et dedit eam David, et reliqua vestimenta sua, usque ad gladium et arcum suum, et usque ad balteum.