Proverbes 31:15-19

15Et de nocte surrexit, deditque prædam domesticis suis, et cibaria ancillis suis.

16Consideravit agrum, et emit eum ; de fructu manuum suarum plantavit vineam.

17Accinxit fortitudine lumbos suos, et roboravit brachium suum.

18Gustavit, et vidit quia bona est negotiatio ejus ; non extinguetur in nocte lucerna ejus.

19Manum suam misit ad fortia, et digiti ejus apprehenderunt fusum.