Nombres 4:6-8

6et operient rursum velamine janthinarum pellium, extendentque desuper pallium totum hyacinthinum, et inducent vectes.

7Mensam quoque propositionis involvent hyacinthino pallio, et ponent cum ea thuribula et mortariola, cyathos et crateras ad liba fundenda : panes semper in ea erunt :

8extendentque desuper pallium coccineum, quod rursum operient velamento janthinarum pellium, et inducent vectes.