Matthieu 8:23-27

23Et ascendente eo in naviculam, secuti sunt eum discipuli ejus :

24et ecce motus magnus factus est in mari, ita ut navicula operiretur fluctibus : ipse vero dormiebat.

25Et accesserunt ad eum discipuli ejus, et suscitaverunt eum, dicentes : Domine, salva nos : perimus.

26Et dicit eis Jesus : Quid timidi estis, modicæ fidei ? Tunc surgens imperavit ventis, et mari, et facta est tranquillitas magna.

27Porro homines mirati sunt, dicentes : Qualis est hic, quia venti et mare obediunt ei ?