Matthieu 16:1-4

1Et accesserunt ad eum pharisæi et sadducæi tentantes : et rogaverunt eum ut signum de cælo ostenderet eis.

2At ille respondens, ait illis : Facto vespere dicitis : Serenum erit, rubicundum est enim cælum.

3Et mane : Hodie tempestas, rutilat enim triste cælum.

4Faciem ergo cæli dijudicare nostis : signa autem temporum non potestis scire ? Generatio mala et adultera signum quærit : et signum non dabitur ei, nisi signum Jonæ prophetæ. Et relictis illis, abiit.