Matthieu 12:28-32

28Si autem ego in Spiritu Dei ejicio dæmones, igitur pervenit in vos regnum Dei.

29Aut quomodo potest quisquam intrare in domum fortis, et vasa ejus diripere, nisi prius alligaverit fortem ? et tunc domum illius diripiet.

30Qui non est mecum, contra me est ; et qui non congregat mecum, spargit.

31Ideo dico vobis : Omne peccatum et blasphemia remittetur hominibus, Spiritus autem blasphemia non remittetur.

32Et quicumque dixerit verbum contra Filium hominis, remittetur ei : qui autem dixerit contra Spiritum Sanctum, non remittetur ei, neque in hoc sæculo, neque in futuro.