Matthieu 11:27-30

27Omnia mihi tradita sunt a Patre meo. Et nemo novit Filium, nisi Pater : neque Patrem quis novit, nisi Filius, et cui voluerit Filius revelare.

28Venite ad me omnes qui laboratis, et onerati estis, et ego reficiam vos.

29Tollite jugum meum super vos, et discite a me, quia mitis sum, et humilis corde : et invenietis requiem animabus vestris.

30Jugum enim meum suave est, et onus meum leve.