Marc 15:16-20

16Milites autem duxerunt eum in atrium prætorii, et convocant totam cohortem,

17et induunt eum purpura, et imponunt ei plectentes spineam coronam.

18Et cœperunt salutare eum : Ave rex Judæorum.

19Et percutiebant caput ejus arundine : et conspuebant eum, et ponentes genua, adorabant eum.

20Et postquam illuserunt ei, exuerunt illum purpura, et induerunt eum vestimentis suis : et educunt illum ut crucifigerent eum.