Marc 15:15-19

15Pilatus autem volens populo satisfacere, dimisit illis Barabbam, et tradidit Jesum flagellis cæsum, ut crucifigeretur.

16Milites autem duxerunt eum in atrium prætorii, et convocant totam cohortem,

17et induunt eum purpura, et imponunt ei plectentes spineam coronam.

18Et cœperunt salutare eum : Ave rex Judæorum.

19Et percutiebant caput ejus arundine : et conspuebant eum, et ponentes genua, adorabant eum.