Marc 14:54-59

54Petrus autem a longe secutus est eum usque intro in atrium summi sacerdotis : et sedebat cum ministris ad ignem, et calefaciebat se.

55Summi vero sacerdotes et omne concilium quærebant adversus Jesum testimonium ut eum morti traderent : nec inveniebant.

56Multi enim testimonium falsum dicebant adversus eum : et convenientia testimonia non erant.

57Et quidam surgentes, falsum testimonium ferebant adversus eum, dicentes :

58Quoniam nos audivimus eum dicentem : Ego dissolvam templum hoc manu factum, et per triduum aliud non manu factum ædificabo.

59Et non erat conveniens testimonium illorum.