Luc 23:8-12

8Herodes autem viso Jesu, gavisus est valde. Erat enim cupiens ex multo tempore videre eum, eo quod audierat multa de eo, et sperabat signum aliquod videre ab eo fieri.

9Interrogabat autem eum multis sermonibus. At ipse nihil illi respondebat.

10Stabant autem principes sacerdotum et scribæ constanter accusantes eum.

11Sprevit autem illum Herodes cum exercitu suo : et illusit indutum veste alba, et remisit ad Pilatum.

12Et facti sunt amici Herodes et Pilatus in ipsa die : nam antea inimici erant ad invicem.