Luc 13:24-28

24Contendite intrare per angustam portam : quia multi, dico vobis, quærent intrare, et non poterunt.

25Cum autem intraverit paterfamilias, et clauserit ostium, incipietis foris stare, et pulsare ostium, dicentes : Domine, aperi nobis : et respondens dicet vobis : Nescio vos unde sitis :

26tunc incipietis dicere : Manducavimus coram te, et bibimus, et in plateis nostris docuisti.

27Et dicet vobis : Nescio vos unde sitis : discedite a me omnes operarii iniquitatis.

28Ibi erit fletus et stridor dentium : cum videritis Abraham, et Isaac, et Jacob, et omnes prophetas in regno Dei, vos autem expelli foras.