Lévitique 19:26-31

26Non comedetis cum sanguine. Non augurabimini, nec observabitis somnia.

27Neque in rotundum attondebitis comam, nec radetis barbam.

28Et super mortuo non incidetis carnem vestram, neque figuras aliquas aut stigmata facietis vobis. Ego Dominus.

29Ne prostituas filiam tuam, ne contaminetur terra et impleatur piaculo.

30Sabbata mea custodite, et sanctuarium meum metuite. Ego Dominus.

31Non declinetis ad magos, nec ab ariolis aliquid sciscitemini, ut polluamini per eos. Ego Dominus Deus vester.