Juges 1:27-33

27Manasses quoque non delevit Bethsan, et Thanac cum viculis suis, et habitatores Dor, et Jeblaam, et Mageddo cum viculis suis, cœpitque Chananæus habitare cum eis.

28Postquam autem confortatus est Israël, fecit eos tributarios, et delere noluit.

29Ephraim etiam non interfecit Chananæum, qui habitabat in Gazer, sed habitavit cum eo.

30Zabulon non delevit habitatores Cetron, et Naalol : sed habitavit Chananæus in medio ejus, factusque est ei tributarius.

31Aser quoque non delevit habitatores Accho, et Sidonis, Ahalab, et Achazib, et Helba, et Aphec, et Rohob :

32habitavitque in medio Chananæi habitatoris illius terræ, nec interfecit eum.

33Nephthali quoque non delevit habitatores Bethsames, et Bethanath : et habitavit inter Chananæum habitatorem terræ, fueruntque ei Bethsamitæ et Bethanitæ tributarii.