Josué 2:15-18

15Demisit ergo eos per funem de fenestra : domus enim ejus hærebat muro.

16Dixitque ad eos : Ad montana conscendite, ne forte occurrant vobis revertentes : ibique latitate tribus diebus, donec redeant, et sic ibitis per viam vestram.

17Qui dixerunt ad eam : Innoxii erimus a juramento hoc, quo adjurasti nos :

18si ingredientibus nobis terram, signum fuerit funiculus iste coccineus, et ligaveris eum in fenestra, per quam demisisti nos : et patrem tuum ac matrem, fratresque et omnem cognationem tuam congregaveris in domum tuam.