Jean 1:14-18

14Et Verbum caro factum est, et habitavit in nobis : et vidimus gloriam ejus, gloriam quasi unigeniti a Patre plenum gratiæ et veritatis.

15Joannes testimonium perhibet de ipso, et clamat dicens : Hic erat quem dixi : Qui post me venturus est, ante me factus est : quia prior me erat.

16Et de plenitudine ejus nos omnes accepimus, et gratiam pro gratia :

17quia lex per Moysen data est, gratia et veritas per Jesum Christum facta est.

18Deum nemo vidit umquam : unigenitus Filius, qui est in sinu Patris, ipse enarravit.