Job 4:12-16

12Porro ad me dictum est verbum absconditum, et quasi furtive suscepit auris mea venas susurri ejus.

13In horrore visionis nocturnæ, quando solet sopor occupare homines,

14pavor tenuit me, et tremor, et omnia ossa mea perterrita sunt ;

15et cum spiritus, me præsente, transiret, inhorruerunt pili carnis meæ.

16Stetit quidam, cujus non agnoscebam vultum, imago coram oculis meis, et vocem quasi auræ lenis audivi.