Job 36:7-12

7Non auferet a justo oculos suos : et reges in solio collocat in perpetuum, et illi eriguntur.

8Et si fuerint in catenis, et vinciantur funibus paupertatis,

9indicabit eis opera eorum, et scelera eorum, quia violenti fuerunt.

10Revelabit quoque aurem eorum, ut corripiat : et loquetur, ut revertantur ab iniquitate.

11Si audierint et observaverint, complebunt dies suos in bono, et annos suos in gloria :

12si autem non audierint, transibunt per gladium, et consumentur in stultitia.