Job 35:2-8

2Numquid æqua tibi videtur tua cogitatio, ut diceres : Justior sum Deo ?

3Dixisti enim : Non tibi placet quod rectum est : vel quid tibi proderit, si ego peccavero ?

4Itaque ego respondebo sermonibus tuis, et amicis tuis tecum.

5Suspice cælum, et intuere : et contemplare æthera quod altior te sit.

6Si peccaveris, quid ei nocebis ? et si multiplicatæ fuerint iniquitates tuæ, quid facies contra eum ?

7Porro si juste egeris, quid donabis ei ? aut quid de manu tua accipiet ?

8Homini qui similis tui est, nocebit impietas tua : et filium hominis adjuvabit justitia tua.