Job 3:17-22

17Ibi impii cessaverunt a tumultu, et ibi requieverunt fessi robore.

18Et quondam vincti pariter sine molestia, non audierunt vocem exactoris.

19Parvus et magnus ibi sunt, et servus liber a domino suo.

20Quare misero data est lux, et vita his qui in amaritudine animæ sunt :

21qui expectant mortem, et non venit, quasi effodientes thesaurum ;

22gaudentque vehementer cum invenerint sepulchrum ?