Job 28:15-19

15Non dabitur aurum obrizum pro ea, nec appendetur argentum in commutatione ejus.

16Non conferetur tinctis Indiæ coloribus, nec lapidi sardonycho pretiosissimo vel sapphiro.

17Non adæquabitur ei aurum vel vitrum, nec commutabuntur pro ea vasa auri.

18Excelsa et eminentia non memorabuntur comparatione ejus : trahitur autem sapientia de occultis.

19Non adæquabitur ei topazius de Æthiopia, nec tincturæ mundissimæ componetur.