Job 20:6-11

6Si ascenderit usque ad cælum superbia ejus, et caput ejus nubes tetigerit,

7quasi sterquilinium in fine perdetur, et qui eum viderant, dicent : Ubi est ?

8Velut somnium avolans non invenietur : transiet sicut visio nocturna.

9Oculus qui eum viderat non videbit, neque ultra intuebitur eum locus suus.

10Filii ejus atterentur egestate, et manus illius reddent ei dolorem suum.

11Ossa ejus implebuntur vitiis adolescentiæ ejus, et cum eo in pulvere dormient.