Jérémie 15:10-14

10Væ mihi, mater mea ! quare genuisti me, virum rixæ, virum discordiæ in universa terra ? Non fœneravi, nec fœneravit mihi quisquam : omnes maledicunt mihi.

11Dicit Dominus : Si non reliquiæ tuæ in bonum, si non occurri tibi in tempore afflictionis, et in tempore tribulationis adversus inimicum.

12Numquid fœderabitur ferrum ferro ab aquilone, et æs ?

13Divitias tuas et thesauros tuos in direptionem dabo gratis, in omnibus peccatis tuis, et in omnibus terminis tuis.

14Et adducam inimicos tuos de terra quam nescis, quia ignis succensus est in furore meo : super vos ardebit.