Ésaïe 43:10-13

10Vos testes mei, dicit Dominus, et servus meus quem elegi : ut sciatis, et credatis mihi, et intelligatis quia ego ipse sum ; ante me non est formatus Deus, et post me non erit.

11Ego sum, ego sum Dominus, et non est absque me salvator.

12Ego annuntiavi, et salvavi ; auditum feci, et non fuit in vobis alienus : vos testes mei, dicit Dominus, et ego Deus.

13Et ab initio ego ipse, et non est qui de manu mea eruat. Operabor, et quis avertet illud ?