Osée 12:1-6

1Ephraim pascit ventum, et sequitur æstum ; tota die mendacium et vastitatem multiplicat : et fœdus cum Assyriis iniit, et oleum in Ægyptum ferebat.

2Judicium ergo Domini cum Juda, et visitatio super Jacob : juxta vias ejus, et juxta adinventiones ejus reddet ei.

3In utero supplantavit fratrem suum, et in fortitudine sua directus est cum angelo.

4Et invaluit ad angelum, et confortatus est ; flevit, et rogavit eum. In Bethel invenit eum, et ibi locutus est nobiscum.

5Et Dominus Deus exercituum, Dominus memoriale ejus.

6Et tu ad Deum tuum converteris ; misericordiam et judicium custodi, et spera in Deo tuo semper.