Galates 4:13-19

13Scitis autem quia per infirmitatem carnis evangelizavi vobis jampridem : et tentationem vestram in carne mea

14non sprevistis, neque respuistis : sed sicut angelum Dei excepistis me, sicut Christum Jesum.

15Ubi est ergo beatitudo vestra ? testimonium enim perhibeo vobis, quia, si fieri posset, oculos vestros eruissetis, et dedissetis mihi.

16Ergo inimicus vobis factus sum, verum dicens vobis ?

17Æmulantur vos non bene : sed excludere vos volunt, ut illos æmulemini.

18Bonum autem æmulamini in bono semper : et non tantum cum præsens sum apud vos.

19Filioli mei, quos iterum parturio, donec formetur Christus in vobis :